香港新浪網 MySinaBlog
« 上一篇 | 下一篇 »
香港痴 | 8th Mar 2012 | 其他 | (96 Reads)

Source: 男人怕怕!10種注定嫁不出的女人
- BY Tracy Tse @ April 2011

1.靚過頭的女人:無男人想「戴綠帽」,太靚的女人「啱睇唔啱食」,做花瓶係唔錯,但身邊總會惹來一大堆狂蜂浪蝶,所以都係娶個普通女人安樂啲。
海羊: 其實醜樣的女人都有機會去滾,而且醜女打扮一下都可以變得好靚。所以保持「太靚女人」的婚姻關係,正正就係要一般男人更有修養、更有學識。

 

2.太有學問的女人:女人太聰明,男人風頭全部被搶,做男人仲有咩意思?女人就算幾醒,都要扮下蠢扮下傻,俾身邊的男人威返下。
海羊: 其實一個家起起伏伏,只靠男人的運氣會好危險。太有學問的女人,娶了唔會比人呃錢,有時男人不在家時,還能夠代表丈夫出頭,愚婦真係望塵莫及。

3.事業太成功的女人:做「成功女人背後的小男人」並唔風光,面對工作太強的女人,男人變得渺小,絕對會很「無癮」。所以女人幾叻都好,適當時候都要識得表現女性的溫柔,做個可愛的女強人。
海羊: 事業超高的女人都需要男人,沒有人成功的家庭只能吃西北風。問題反而是對方尊重,成功女人應該比機會男人進修,男人最後唔好對女人成功太小器。

4.惡形惡相的女人:這種高高在上、 自以為是的女人,往往權力欲、操縱欲比較強,事無大小都管到實,要日日對住隻黑口黑面的「老虎乸」,邊個男人會頂得順?
海羊: 外面惡死的女人,很多在家對老公千依百順,男人可以學會申張自己原則。惡形的女人同時保護家庭強勁,是個騙子、惡棍吃不住的人,很多男人都是很喜歡的。

5.太神經質的女人:男人最怕女人「一哭二鬧三上吊」,隨便因為一個女性朋友的Facebook留言或sms都嘈到拆天的女人,留在身邊只會家嘈屋閉,不得安寧。
海羊: 這種女人我也受不了,但係又係屈服於她們的愛,因為神經質的女人也很感性。娶了神經質的女人要學會定力,在情緒波動的日子臨危不亂,風兩過後常都是美好的。

6.太敗家的女人:香港地有金山銀礦的人並唔多,無男人想被女人搞到傾家蕩產,落得人財兩空,除非你本身好有米,否則「洗腳唔抹腳」的習性係時候改改。
海羊: 敗家女人就真係唔得,代表愚蠢,幾多錢都唔足夠佢使到山窮水盡。

7.太男人婆的女人:雖則現今社會男女平等,不過絕對無男人鐘意女人粗口爛舌、粗粗魯魯,適當時候都要展現下女人味,著下裙、化下妝扮下靚,男人帶出街都有Face啲。
海羊: 男人婆的女人只係自保,好多結婚之後都很女性化。男人婆有種剛強的性格,很多優柔寡斷的男人十分需要,因為她們的自主能力令男人安樂。

8.有公主病的女人:這種「港女」要求多多、尖酸乞薄、洗人唔洗本,平日返工服侍老細都未夠,返屋企仲要伺候习蠻公主,被人當咕喱、阿四咁舞黎舞去,真係唔癲就假!
海羊: 公主病的女人又係唔得,代表無知,令人懷疑她們沒有內在美。

9.有不良嗜好的女人:電視劇都睇唔少,女人爛賭爛飲有雀癮煙癮起上黎,比男人更恐怖,就算唔惹來周身債都一定麻煩多多,更加唔荒會照顧屋企,真係娶左都喊三聲。
海羊: 這種女人絕對危險,爛賭、雀癮、性交轉運者,有十條命都唔夠賠比佢呀!

10.太過依賴的女人:嗲聲嗲氣乜都要人幫的女人,男人初初可能會好受落,但耐左就唔多耐煩,因為娶左都唔洗止意會做家頭細務煮飯洗衫,仲要照顧返佢轉頭,真係寧願單身,起馬有阿媽幫手執頭執尾。
海羊: 不過好多男人喜歡照顧女人,唔會怨人,娶佢做老婆就唔該自己一腳踢啦!

 

 


[1]

分析得很好,我身邊有幾個個案都有上述類似情況,有些離婚收場,有的繼續啞忍,

凱怡
[引用] | 作者 凱怡 | 8th Mar 2012 | [舉報垃圾留言]

其實近年都有很多事情發生。不過事情未能尾聲,不能告知,唯有寫寫短文就算。多謝你來探訪,凱怡。

[引用版主回覆] | 作者 香港痴 | 9th Mar 2012

[2]

女人多重性格. 好難屬於邊一類啊,
最重要是你愛的人, 你包容到就可以啊,

siuwingwing
[引用] | 作者 siuwingwing | 17th Mar 2012 | [舉報垃圾留言]

[3]

i agree with the article and don't like that kind of girls, exp.有公主病的女人, 要求多多、尖酸乞薄
good,... good... agree..
the day you post on blog is very special for me as 8 march is my husband's birthday... 極其

tong
[引用] | 作者 tong | 2nd Apr 2012 | [舉報垃圾留言]

[4]

分析得很好,不過我都係鍾意靚女人多啲,哈哈!

Dozy.第一桶金
[引用] | 作者 Dozy.第一桶金 | 5th Apr 2012 | [舉報垃圾留言]